അമ്പത്തിമൂന്നൂമണിജപം

അമ്പത്തിമൂന്നുമണിജപം ......................................അളവില്ലാത്ത സകല നന്മസ്വരൂപിയായിരിക്കുന്ന സര്‍വ്വേശ്വരാ കര്‍ത്താവേ! നീചമനുഷ്യരും നന്ദിഹീനരായ പാപികളുമായിരിക്കുന്നഅടിയങ്ങള്‍ അറിതിയില്ലാത്ത മഹിമപ്രതാപത്തോടുകൂടിയിരിക്കുന്ന അങ്ങേ സന്നിധിയില്‍ ജപം ചെയ്യാന്‍ അയോഗ്യരായിരിക്കുന്നു.എങ്കിലും അങ്ങേ അനന്തമായ ദയയിന്മേല്‍ ശരണപ്പെട്ടുകൊണ്ട് പരിശുദ്ധ ദൈവമാതാവിന്റെ സ്തുതിക്കായി അമ്പത്തിമൂന്നുമണി ജപംചെയ്യാന്‍ ആശിക്കുന്നു.ഈ ജപം ഭക്തിയോടുകൂടെ ചെയ്തു പലവിചാരം കൂടാതെ തികപ്പാന്‍ കര്‍ത്താവേ അങ്ങു സഹായം ചെയ്യേണമെ!
(വിശ്വാസപ്രമാണം)
വിശ്വാസപ്രമാണംസര്‍വ്വശക്തനായ പിതാവും ആകാശത്തിന്റെയും ഭൂമിയുടെയും സൃഷ്ടാവുമായ ദൈവത്തില്‍ ഞങ്ങള്‍ വിശ്വസിക്കുന്നു.അവിടുത്തെ ഏകപുത്രനും ഞങ്ങളുടെ കര്‍ത്താവുമായ ഈശോമിശിഹായിലും വിശ്വസിക്കുന്നു. ഈ പുത്രന്‍ പരിശുദ്ധാത്മാവിനാല്‍ ഗര്‍ഭസ്ഥനായി കന്യകാമറിയത്തില്‍ നിന്നു പിറന്നു; പെന്തിയോസ് പീലാത്തോസിന്റെ കാലത്ത് പീഡകള്‍ സഹിച്ച് കുരിശില്‍ തറയ്ക്കപ്പെട്ടു;മരിച്ച്, അടക്കപ്പെട്ടു.പാതാളത്തിലിറങ്ങി മരിച്ചവരുടെ ഇടയില്‍ നിന്നു മൂന്നാം നാള്‍ ഉയിര്‍ത്തു: സ്വര്‍ഗത്തിലേയ്ക്കെഴുന്നെള്ളി സര്‍വ്വശക്തിയുള്ള പിതാവായ ദൈവത്തിന്റെ വലത്തുഭാഗത്തിരിക്കുന്നു;അവിടെ നിന്ന് ജീവിക്കുന്നവരെയും മരിച്ചവരേയും വിധിക്കാന്‍ വരുമെന്നും ഞാന്‍ വിശ്വസിക്കുന്നു. പരിശുദ്ധാത്മാവിലും ഞാന്‍ വിശ്വസിക്കുന്നു.വിശുദ്ധ കത്തോലിക്കാസഭയിലും പുണ്യവാന്മാരുടെ ഐക്യത്തിലും,പാപങ്ങളുടെ മോചനത്തിലും,ശരീരത്തിന്റെ ഉയിര്‍പ്പിലും നിത്യമായ ജീവിതത്തിലും ഞാന്‍ വിശ്വസിക്കുന്നു. ആമ്മേന്‍.(1സ്വര്‍ഗ്ഗ)
ബാവാതമ്പുരാന്റെ മകളായിരിക്കുന്ന പരിശുദ്ധ ദൈവമാതാവെ! ഞങ്ങളില്‍ ദൈവവിശ്വാസമെന്ന പുണ്യമുണ്ടായി ഫലം ചെയ്‌വാനായിട്ട്അങ്ങെ തിരുക്കുമാരനോടപേക്ഷിക്കണമേ.(1സ്വര്‍ഗ്ഗ)
പുത്രന്‍ തമ്പുരാന്റെ മാതാവായിരിക്കുന്ന പരിശുദ്ധ ദൈവമാതാവെ! ഞങ്ങളില്‍ ദൈവശരണമെന്ന പുണ്യമുണ്ടായി വളരുവാനായിട്ട് അങ്ങേതിരുക്കുമാരനോട് അപേക്ഷിക്കണമേ. (1നന്മ)
റൂഹാദ്ക്കുദിശാതമ്പുരാന്റെ സ്നേഹ ഭാജനമായിരിക്കുന്ന പരിശുദ്ധ ദൈവമാതാവെ! ഞങ്ങളില്‍ ദൈവഭക്തിയെന്ന പുണ്യമുണ്ടായി വര്‍ദ്ധിപ്പാനായിട്ട് അങ്ങേതിരുക്കുമാരനോട് അപേക്ഷിക്കണമേ(1 നന്മ. 1ത്രി.)
(തിങ്കള്‍,ശനി ഈ ദിവസങ്ങളില്‍ ചൊല്ലേണ്ട സന്തോഷകരമായ ദൈവരഹസ്യങ്ങള്‍)
1-മത്തെ ദൈവരഹസ്യംപരിശുദ്ധ കന്യാസ്ത്രീ മറിയമേ! ദൈവവചനം അങ്ങേ തിരുവുദരത്തില്‍ മനുഷ്യാവതാരം ചെയ്യുമെന്ന് ഗബ്രിയേല്‍ ദൈവദൂതന്‍ ദൈവകല്പനയാല്‍അങ്ങേ അറിയിച്ചതിനാല്‍ അങ്ങേയ്ക്കുണ്ടായ സന്തോഷത്തെ ഓര്‍ത്തു ധ്യാനിക്കുന്ന അങ്ങേ മക്കളായ ഞങ്ങള്‍ ഞങ്ങളുടെ ഹൃദയത്തിലും എപ്പോഴുംതന്നെ സംഗ്രഹിച്ചുകൊണ്ടിരിപ്പാന്‍ കൃപചെയ്യണമെ.
1സ്വ.10ന.1ത്രി ഓ ഈശോയെ ഞങ്ങളുടെ പാപങ്ങള്‍ പൊറുക്കേണമേ നരകാഗ്നിയില്‍ നിന്നും ഞങ്ങളേ രക്ഷിക്കേണമേ എല്ലാ ആത്മാക്കളേയും പ്രത്യേകിച്ച്അങ്ങേ സഹായം കൂടുതല്‍ ആവശ്യമുള്ള ആത്മാക്കളേയും സ്വര്‍ഗ്ഗത്തിലേയ്ക് ആനയിക്കേണമേ.
2-മത്തെ ദൈവരഹസ്യംപരിശുദ്ധ ദൈവമാതാവെ!അങ്ങേ ഇളയമ്മയായ ഏലീശ്വാ പുണ്യവതിയേ അങ്ങു ചെന്നു കണ്ടപ്പോള്‍ ആ പുണ്യവതിക്ക് സര്‍വ്വേശ്വരന്‍ ചെയ്തകരുണയെക്കണ്ട് അങ്ങേക്കുണ്ടായ അത്യധിക സന്തോഷത്തെ ഓര്‍ത്തു ധ്യാനിക്കുന്ന ഞങ്ങള്‍ ലൌകിക സന്തോഷത്തെ പരിത്യജിച്ചു പരലോക സന്തോഷങ്ങളെ ആഗ്രഹിച്ചു തേടുവാന്‍ കൃപചെയ്യണമേ.1സ്വ.10ന.1ത്രി.ഓ ഈശോയെ........
3-മത്തെ ദൈവരഹസ്യംപരിശുദ്ധ ദൈവമാതാവെ! അങ്ങേ കന്യാത്വത്തിനു അന്തരം വരാതെ അങ്ങു ദൈവകുമാരനെ പ്രസവിച്ചതിനാല്‍ അങ്ങേയ്ക്കുണ്ടായസന്തോഷത്തിന്മേല്‍ ധ്യാനിക്കുന്ന ഞങ്ങളുടെ ഹൃദയത്തിലും താന്‍ ജ്ഞാനവിധമായി പിറപ്പാന്‍ കൃപ ചെയ്യണമേ.1സ്വ 10ന.1ത്രിഓ ഈശോയെ........
4-മത്തെ ദൈവരഹസ്യംപരിശുദ്ധ ദൈവമാതാവെ! അങ്ങേ ദിവ്യകുമാരനെ ദേവാലയത്തില്‍ കാഴ്ചവെച്ചപ്പോള്‍ മഹാത്മാക്കള്‍ തന്നെ സ്തുതിക്കുന്നതു കണ്ട് അങ്ങേക്കുണ്ടായ സന്തോഷത്തിന്മേല്‍ ധ്യാനിക്കുന്ന ഞങ്ങള്‍ അങ്ങേയ്ക്കു യോഗ്യമായ ദേവാലയമായിരിക്കാന്‍ കൃപ ചെയ്യണമെ.1സ്വ.10ന.1ത്രി.ഓ ഈശോയെ......
5-മത്തെ ദൈവരഹസ്യംപരിശുദ്ധ ദൈവമാതാവേ!അങ്ങേ തിരുക്കുമാരന്‍ പന്ത്രണ്ടു വയസ്സില്‍ കാണാതെ പോയപ്പോള്‍ മൂന്നാം ദിവസം ദേവാലയത്തില്‍ തര്‍ക്കിച്ചുകൊണ്ടിരിക്കയില്‍ അങ്ങു തന്നെ കണ്ടെത്തിയതിനാല്‍ അങ്ങേയ്ക്കുണ്ടായ സന്തോഷത്തിന്മേല്‍ ധ്യാനിക്കുന്ന ഞങ്ങള്‍ തന്നെ ഒരിക്കലും പാപത്താല്‍വിട്ടുപിരിയാതിരിപ്പാനും വിട്ടുപിരിഞ്ഞുപോയാലുടനെ മനസ്താപത്താല്‍ തന്നെ കണ്ടെത്തുവാനും കൃപ ചെയ്യണമെ.1സ്വ.10ന.1ത്രി.ഓ ഈശോയെ........
(ചൊവ്വ,വെള്ളി ഈ ദിവസങ്ങളില്‍ ചൊല്ലേണ്ട ദുഖാത്മകമായ ദൈവരഹസ്യങ്ങള്‍)
1-മത്തെ ദൈവരഹസ്യംപരിശുദ്ധ ദൈവമാതാവെ! അങ്ങേ തിരുക്കുമാരന്‍ പൂങ്കാവനത്തില്‍ വച്ചു നമസ്ക്കരിച്ചുകൊണ്ടിരിക്കുമ്പോള്‍ രക്തം വിയര്‍ത്തു എന്നതിന്മേല്‍ ധ്യാനിക്കുന്ന ഞങ്ങള്‍ പാപങ്ങളിന്മേല്‍ മനസ്തപിച്ച് പാപശാന്തി ലഭിക്കുവാന്‍ കൃപ ചെയ്യണമെ. 1-സ്വ.10ന.1ത്രിഓ ഈശോയെ.......
2-മത്തെ ദൈവരഹസ്യംപരിശുദ്ധ ദൈവമാതാവെ! അങ്ങേ തിരുക്കുമാരന്‍ കല്‍ത്തൂണില്‍ കെട്ടപെട്ടു ചമ്മട്ടികളാല്‍ അടിക്കപ്പെട്ടു എന്നതിന്മേല്‍ ധ്യാനിക്കുന്ന ഞങ്ങള്‍ഞങ്ങളുടെ പാപങ്ങളാല്‍ ഉണ്ടാകുന്ന കഠിന ശിക്ഷകളില്‍ നിന്നു മനസ്താപത്താലും നല്ല വ്യാപാരത്താലും ഒഴിഞ്ഞുമാറാന്‍ കൃപ ചെയ്യണമെ. 1സ്വ.10ന.1ത്രിഓ ഈശോയെ.......
3 -മത്തെ ദൈവരഹസ്യംപരിശുദ്ധ ദൈവമാതാവേ! അങ്ങേ തിരുക്കുമാരന്റെ ശിരസില്‍ മുള്‍മുടി ധരിപ്പിച്ച് പരിഹാസ രാജാവായിട്ട് തന്നെ സ്ഥാപിച്ചതിന്മേല്‍ ധ്യാനിക്കുന്ന ഞങ്ങള്‍ഞങ്ങളുടെ ഹൃദയത്തിലുള്ള പാപമുള്ളുകളെ മനസ്താപത്താല്‍ പിഴുതു കളയുവാന്‍ കൃപ ചെയ്യണമെ.1സ്വ.10ന.1ത്രിഓ ഈശോയെ........
4-മത്തെ ദൈവരഹസ്യംപരിശുദ്ധ ദൈവമാതാവെ!അങ്ങേ തിരുക്കുമാരന്‍ ഈശോമിശിഹാ മരണത്തിനു വിധിക്കപ്പെട്ടു ഭാരമേറിയ സ്ലീവാമരം ചുമന്നുകൊണ്ട് ഗാഗുല്‍ത്താ‍ മലയിലേയ്ക്ക്പോകുന്നതിന്മേല്‍ ധ്യാ‍നിക്കുന്ന ഞങ്ങള്‍ ദുഖമാകുന്ന സ്ലീവായെ ക്ഷമാപൂര്‍വ്വം ചുമന്നുകൊണ്ട് തന്നെ അനുഗമിക്കുവാന്‍ കൃപചെയ്യണമെ.1സ്വ.10ന.1ത്രിഓ ഈശോയെ.......
5-മത്തെ ദൈവരഹസ്യംപരിശുദ്ധ ദൈവമാതാവെ! അങ്ങേ തിരുക്കുമാരന്‍ ഗാഗുല്‍ത്താമലയില്‍ വച്ച് അങ്ങേ മുമ്പാകെ ഇരുമ്പാണികളാല്‍ കുരിശില്‍ തറയ്ക്കപ്പെട്ടതിന്മേല്‍ ധ്യാ‍നിക്കുന്നഞങ്ങളുടെ ഹൃദയത്തില്‍ തന്റെ തിരുപ്പാടുകളും അങ്ങേ വ്യാകുലതകളും പതിപ്പിച്ചരുളണമെ.1സ്വ.10ന.1ത്രി.ഓ ഈശൊയെ......
(ബുധന്‍,ഞായര്‍ ഈ ദിവസങ്ങളില്‍ ചൊല്ലേണ്ട മഹിമയ്ക്കടുത്ത ദൈവരഹസ്യങ്ങള്‍)
1-മത്തെ ദൈവരഹസ്യംപരിശുദ്ധ ദൈവമാതാവെ! അങ്ങേ തിരുക്കുമാരന്‍ പാ‍ടുപെട്ടു മരിച്ചു മൂന്നാം നാള്‍ എന്നേയ്ക്കും ജീവിക്കുന്നവനായി ഉയര്‍ത്തതിനാലുണ്ടായ മഹിമയെ ധ്യാനിക്കുന്ന ഞങ്ങള്‍ പാപമായ മരണത്തില്‍ നിന്ന് നിത്യമായി ഉയിര്‍ത്തെഴുന്നേല്പാന്‍ കൃപ ചെയ്യണമേ.1സ്വ.10ന.1ത്രി.ഓ ഈശോയെ........
2-മത്തെ ദൈവരഹസ്യംപരിശുദ്ധ ദൈവമാതാവേ! അങ്ങേ തിരുക്കുമാരന്‍ ഉയിര്‍ത്തു നാല്പതാം ദിവസം അനന്തമായ മഹിമ പ്രതാപത്തോടു കൂടി മോക്ഷാരോഹനം ചെയ്തതിനാലുണ്ടായ മഹിമയെ ധ്യാനിക്കുന്ന ഞങ്ങള്‍ പരലോകവാഴ്ചയെ മാത്രം ആഗ്രഹിച്ച് മോക്ഷഭാഗ്യം പ്രാപിക്കുവാന്‍ കൃപ ചെയ്യണമേ.1സ്വ.10ന.1ത്രി.ഓ ഈശോയെ......
3-മത്തെ ദൈവരഹസ്യംപരിശുദ്ധ ദൈവമാതാവെ! അങ്ങേ തിരുക്കുമാരന്‍ ആകാശത്തിലേയ്ക്കെഴുന്നള്ളയതിന്റെ പത്താം നാള്‍ ഊട്ടുശാലയില്‍ധ്യാനിച്ചിരുന്ന തന്റെ ശിഷ്യന്മാരുടെ മേലും അങ്ങേമേലും റൂഹാദ്ക്കുദിശാതമ്പുരാനെ യാത്രയാക്കിയതിനാലുണ്ടായമഹിമയെ ധ്യാനിക്കുന്ന ഞങ്ങള്‍ റൂഹാദ്ക്കുദിശായുടെ പ്രസാദവരത്താല്‍ ദൈവതിരുമനസുപോലെ വ്യാപരിപ്പാന്‍കൃപ ചെയ്യണമേ.1സ്വ.10ന.1ത്രി.ഓ ഈശോയേ......
4-മത്തെ ദൈവരഹസ്യംപരിശുദ്ധ ദൈവമാതാവേ! അങ്ങേ തിരുക്കുമാരന്‍ ഉയിര്‍ത്തെഴുന്നെള്ളി കുറെക്കാലം കഴിഞ്ഞപ്പോള്‍ അങ്ങ് ഇഹലോകത്തില്‍ നിന്നും മാലാഖമാരാല്‍ ആകാശമോക്ഷത്തിലേയ്ക്ക് കരേറ്റപ്പെട്ടതിനാലുണ്ടായ മഹിമയെ ധ്യാനിക്കുന്നഞങ്ങളും അങ്ങേ സഹായത്താല്‍ മോക്ഷത്തില്‍ വന്നു ചേരുവാന്‍ കൃപചെയ്യണമേ.1സ്വ.10ന.1ത്രി.ഓ ഈശോയെ.........
5-മത്തെ ദൈവരഹസ്യംപരിശുദ്ധ ദൈവമാ‍താവേ! സ്വര്‍ഗ്ഗത്തില്‍ അങ്ങ് എഴുന്നെള്ളിയ ഉടനെ അങ്ങേ തിരുക്കുമാരന്‍ അങ്ങയെ ത്രിലോകരാജ്ഞിയായി മുടിധരിപ്പിച്ചതിനാലുണ്ടായ മഹിമയെ ധ്യാനിക്കുന്ന ഞങ്ങളും മോക്ഷാനന്ദഭാഗ്യത്തില്‍ അങ്ങയോടുകൂടേ സന്തതം ദൈവത്തെ സ്തുതിച്ചാനന്ദിപ്പാന്‍ കൃപചെയ്യണമേ.1സ്വ.10ന.1ത്രിഓ ഈശോയെ......
(വ്യാഴാഴ്ച ചൊല്ലേണ്ട പ്രകാശത്തിന്റെ രഹസ്യങ്ങള്‍)
1-മത്തെ ദൈവരഹസ്യംനമ്മുടെ കര്‍ത്താവീശോമിശിഹാ യോര്‍ദ്ദാന്‍ നദിയില്‍ നിന്നും ജ്ഞാനസ്നാനം സ്വീകരിച്ചപ്പോള്‍ പരിശുദ്ധാ‍ത്മാവ്പ്രാവിന്റെ രൂപത്തില്‍ അവിടുത്തെമേല്‍ എഴുന്നെള്ളി എന്നതിനെക്കുറിച്ച് ധ്യാനിക്കുന്ന ഞങ്ങള്‍ ദൈവമക്കള്‍ക്കുയോജ്യമായ ജീ‍വിതം നയിക്കുവാന്‍ സഹായിക്കണമേ.1സ്വ.10ന.1ത്രി.ഓ ഈശോയെ...... 2-മത്തെ ദൈവരഹസ്യംനമ്മുടെ കര്‍ത്താവീശോമിശിഹാ കാനായിലെ കല്യാണവിരുന്നില്‍ അവിടുത്തെ മാതാവിന്റെ അപേക്ഷ പ്രകാരം ആദ്യത്തെ അത്ഭുതം പ്രവര്‍ത്തിച്ചതിനെക്കുറിച്ച് ധ്യാനിക്കുന്ന ഞങ്ങള്‍ നിന്റെ സഹായത്താല്‍ ദൈവരാജ്യത്തിന്റെസന്തോഷങ്ങള്‍ സ്വയാത്തമാക്കുവാന്‍ സഹായിക്കണമേ.1സ്വ.10ന.1ത്രി.ഓ ഈശോയെ.......
3-മത്തെ ദൈവരഹസ്യംനമ്മുടെ കര്‍ത്താവീശോമിശിഹാ ഗലീലിയ മുഴുവന്‍ ചുറ്റി സഞ്ചരിച്ച് സിനഗോഗുകളില്‍ പഠിപ്പിക്കുകയും ദൈവരാജ്യത്തിന്റെ സുവിശേഷം പ്രസംഗിക്കുകയും ചെയ്തതിനെക്കുറിച്ച് ധ്യാനിക്കുന്ന ഞങ്ങള്‍ അവിടുത്തെ തിരുവചനങ്ങള്‍പാലിച്ച് നിഷ്കളങ്കരായി ജീവിക്കുവാന്‍ സഹായിക്കണമേ.1സ്വ.10ന.1ത്രി.ഓ ഈശോയെ.......
4-മത്തെ ദൈവരഹസ്യംനമ്മുടെ കര്‍ത്താവീശോമിശിഹാ തന്റെ ശിഷ്യന്മാര്‍ കാണ്‍കെ താബോര്‍മലയില്‍ വച്ച് രൂപാന്തരപ്പെട്ട് തന്റെദിവ്യമഹത്വം അവരുടെ മുമ്പില്‍ പ്രകടമാക്കിയതിനെക്കുറിച്ച് ധ്യാനിക്കുന്ന ഞങ്ങള്‍ ദൈവത്തെ ആരാധിക്കുവാനുംസ്തുതിക്കുവാനും യോഗ്യരാകുവാന്‍ സഹായിക്കണമേ.1സ്വ.10ന.1ത്രി.ഓ ഈശൊയെ........
5-മത്തെ ദൈവരഹസ്യംനമ്മുടെ കര്‍ത്താവീശോമിശിഹാ അവസാന അത്താഴത്തിന്റെ സമയത്ത് വി. കുര്‍ബാന എന്ന രഹസ്യം സ്ഥാപിച്ചതിനെ ഓര്‍ത്തു ധ്യാനിക്കുന്ന ഞങ്ങള്‍ അവിടുത്തെ ശരീരരക്തങ്ങളാല്‍ പരിപോഷിക്കപ്പെട്ട് മരണത്തില്‍ നിന്ന് നിത്യായുസ്സിലേയ്ക്ക് പ്രവേശിക്കുവാന്‍ സഹായിക്കണമേ.1സ്വ.10ന.1ത്രി.ഓ ഈശോയെ........
ജപമാല അര്‍പ്പണം
മുഖ്യദൂതനായ വി.മിഖായേലേ, ദൈവദൂതന്മാരായ വി.ഗബ്രിയേലെ, വി.റപ്പായേലേ,ശ്ലീഹന്മാരായ വി.പത്രോസേ, വി.പൌലോസേ, വി.യോഹന്നാനേ, വി.തോമായേ, മഹാത്മാവായ വി.യൌസേപ്പേ, ഞങ്ങള്‍ വലിയ പാപികളായിരിക്കുന്നുവെങ്കിലും ഞങ്ങള്‍ ജപിച്ച ഈ പ്രാര്‍ത്ഥന നിങ്ങളുടെ കീര്‍ത്തനങ്ങളോടുകൂടെ ഒന്നായിച്ചേര്‍ത്ത്പരിശുദ്ധ ദൈവമാതാവിന്റെ തൃപ്പാദത്തിങ്കല്‍ കാഴ്ചവെയ്ക്കുവാന്‍ നിങ്ങളോട് ഞങ്ങള്‍ പ്രാര്‍ത്ഥിക്കുന്നു.
ലുത്തിനിയാ
കര്‍ത്താവേ! അനുഗ്രഹിക്കണമേമിശിഹായെ അനുഗ്രഹിക്കണമെകര്‍ത്താവേ! അനുഗ്രഹിക്കണമെമിശിഹായെ ഞങ്ങളുടെ പ്രാര്‍ത്ഥന കേള്‍ക്കണമെമിശിഹായെ ഞങ്ങളുടെ പ്രാര്‍ത്ഥന കൈക്കൊള്ളണമെആകാശങ്ങളിലിരിക്കുന്ന ബാ‍വാതമ്പുരാനെ (ഞങ്ങളെ അനുഗ്രഹിക്കണമെ)ഭൂലോകരക്ഷിതാവായ പുത്രന്‍ തമ്പുരാനെറൂഹാദ്ക്കുദ്ശാ തമ്പുരാനെഏകസ്വരൂപമായിരിക്കുന്ന പരിശുദ്ധത്രിത്വമെപരിശുദ്ധമറിയമെദൈവകുമാരന്റെ പുണ്യജനനീകന്യാസ്തീകള്‍ക്കു മകുടമായ നിര്‍മ്മല കന്യകയേമിശിഹായുടെ മാതാവെദൈവപ്രസാദത്തിന്റെ മാതാവെഎത്രയും നിര്‍മ്മലയായ മാതാവെഅത്യന്ത വിരക്തിയുള്ള മാതാവെ കളങ്കഹീനയായ കന്യാസ്ത്രീയായിരിക്കുന്ന മാതാവേ,കന്യാവ്രതത്തിന് അന്തരം വരാത്ത മാതാവേ,സ്നേഹഗുണങ്ങളുടെ മാതാവേ,അത്ഭുതത്തിന് വിഷയമായിരിക്കുന്ന മാതാവേ,സദുപദേശത്തിന്റെ മാതാവേ,സൃഷ്ടാവിന്റെ മാതാവേ,രക്ഷിതാ‍വിന്റെ മാതാവേ,വിവേകൈശ്വര്യമുള്ള കന്യകേ,പ്രകാശപൂര്‍ണ്ണമായ സ്തുതിക്കു യോഗ്യയായിരിക്കുന്ന കന്യകേ,സ്തുതിപ്രാപ്തിക്കൈശ്വര്യമുള്ള കന്യകേ,വല്ലഭമുള്ള കന്യകേ,കനിവുള്ള കന്യകേ,വിശ്വാസവതിയായിരിക്കുന്ന കന്യകേ,നീതിയുടെ ധര്‍പ്പണമേ,ബോധജ്ഞാനത്തിന്റെ സിംഹാസനമേ,ഞങ്ങളുടെ തെളിവിന്റെ കാരണമേ,ആത്മജ്ഞാനപൂരിത പാത്രമേ,ബഹുമാനത്തിന്റെ പാത്രമേ,അത്ഭുതകരമായ ഭക്തിയുടെ പാത്രമേ,ദൈവരഹസ്യം നിറഞ്ഞിരിക്കുന്ന പനിനീര്‍ കുസുമമേ,ദാവീദിന്റെ കോട്ടയേ,നിര്‍മ്മലദന്തം കൊണ്ടുള്ള കോട്ടയേ,സ്വര്‍ണ്ണാലയമേ,വാഗ്ദാനത്തിന്റെ പെട്ടകമേ,ആകാശമോക്ഷത്തിന്റെ വാതിലേ,ഉഷംകാലത്തിന്റെ നക്ഷത്രമേ,രോഗികളുടെ സ്വസ്ഥാനമേ,പാപികളുടെ സങ്കേതമേ,വ്യാകുലന്മാരുടെ ആശ്വാസമേ,ക്രിസ്ത്യാനികളുടെ സഹായമേ,മാലാഖമാരുടെ രാജ്ഞി,ബാവാന്മാരുടെ രാജ്ഞി,ദീര്‍ഘദര്‍ശികളുടെ രാജ്ഞി,ശ്ലീഹന്മാരുടെ രാജ്ഞി,വേദസാക്ഷികളുടെ രാജ്ഞി,വന്ദനീയന്മാരുടെ രാജ്ഞി, കന്യാസ്ത്രീകളുടെ രാജ്ഞീ,സകലപുണ്യവാന്മാരുടെയും രാജ്ഞീ,അമലോത്ഭവയായിരിക്കുന്ന രാജ്ഞീ,സ്വര്‍ഗ്ഗാരോപിതയായിരിക്കുന്ന രാജ്ഞീ,പരിശുദ്ധ ജപമാലയുടെ രാജ്ഞീ,സമാധാനത്തിന്റെ രാജ്ഞീ,കര്‍മ്മലസഭയുടെ അലങ്കാരമായ രാജ്ഞീ,
ഭൂലോക പാപങ്ങളെ നീക്കുന്ന ദിവ്യ ചെമ്മരിയാടായിരികുന്ന ഈശോ തമ്പുരാനേ, കര്‍ത്താവേ ഞങ്ങളുടെ പാപങ്ങള്‍ ക്ഷമിക്കണമേ,ഭൂലോകപാപങ്ങളെ നീക്കുന്ന...............കര്‍ത്താവെ! ഞങ്ങളുടെ പ്രാര്‍ത്ഥന കേള്‍ക്കണമേ,ഭൂലോകപാപങ്ങളെ നീക്കുന്ന.................കര്‍ത്താവെ! ഞങ്ങളെ അനുഗ്രഹിക്കണമേ
ദൈവത്തിന്റെ പുണ്യപൂര്‍ണ്ണയായ മാതാവെ,ഇതാ ഞങ്ങള്‍ അങ്ങില്‍ അഭയം തേടുന്നു.ഞങ്ങളുടെ ആവശ്യ നേരത്ത് ,ഞങ്ങളുടെ യാചനകള്‍ഉപേക്ഷിക്കരുതേ.ഭാഗ്യവതിയും അനുഗ്രഹീതയുമായ കന്യകാ മാതാവേ,സകല ആപത്തുകളില്‍ നിന്നും ഞങ്ങളെ സംരക്ഷിക്കണമേ.ഈശോമിശിഹായുടെ വാഗ്ദാനങ്ങള്‍ക്കു ഞങ്ങള്‍ യോഗ്യരാകുവാന്‍സര്‍വ്വേശ്വരന്റെ പരിശുദ്ധ ദൈവമാതാവേ,ഞങ്ങള്‍ക്കുവേണ്ടി അപേക്ഷിക്കണമേ.പ്രാര്‍ത്ഥിക്കാം കര്‍ത്താവേ പൂര്‍ണ്ണമനസ്സോടെ സാഷ്ടാംഗം വീണുകിടക്കുന്ന ഈ കുടുംബത്തെ തൃക്കണ്‍പാര്‍ക്കണമേ,എപ്പോഴും പരിശുദ്ധ കന്യകയായിരിക്കുന്നമറിയത്തിന്റെ അപേക്ഷയാല്‍ സകല ശത്രുക്കളുടെ ഉപദ്രവങ്ങളില്‍ നിന്നും ഞങ്ങളെ ദയാപൂര്‍വ്വം രക്ഷിക്കണമേ,ഈ അപേക്ഷകള്‍ ഞങ്ങളുടെകര്‍ത്താവീശോമിശിഹായുടെ തിരുമുഖത്തെപ്രതി ഞങ്ങള്‍ക്കു തരണമേ.
പരിശുദ്ധ രാജ്ഞീപരിശുദ്ധ രാജ്ഞീ, കരുണയുടെ മാതാവേ സ്വസ്തി.ഞങ്ങളുടെ ജീവനും മാധുര്യവും ശരണവുമേ സ്വസ്തി.ഹവ്വായുടെ പുറംതള്ളപ്പെട്ട മക്കളായഞങ്ങള്‍ അങ്ങെ പക്കല്‍ നിലവിളിക്കുന്നു.കണ്ണുനീരിന്റെ താഴ്വരയില്‍നിന്ന് വിങ്ങിക്കരഞ്ഞ് ഞങ്ങള്‍ അങ്ങേപക്കല്‍ നെടുവീര്‍പ്പെടുന്നു.ആകയാല്‍ഞങ്ങളുടെ മദ്ധ്യസ്ഥേ അങ്ങയുടെ കരുണയുള്ള കണ്ണുകള്‍ ഞങ്ങളുടെ മേല്‍ തിരിക്കണമേ.ഞങ്ങളുടെ ഈ പ്രവാസത്തിനുശേഷം അങ്ങയുടെഉദരത്തിന്റെ അനുഗ്രഹീതഫലമായ ഈശോയെ ഞങ്ങള്‍ക്കു കാണിച്ചു തരേണമേ. കരുണയും വാത്സല്യവും മാധുര്യവും നിറഞ്ഞ കന്യകാമറിയമേ,ആമ്മേന്‍.
പ്രാര്‍ത്ഥിക്കാം സര്‍വ്വശക്തനും നിത്യനുമായ ദൈവമേ,ഭാഗ്യവതിയായ മറിയത്തിന്റെ ആത്മാവും ശരീരവും അങ്ങയുടെ ദിവ്യപുത്രനു യോഗ്യമായ വാസസ്ഥലമാകുവാന്‍ആദിയില്‍തന്നെ അങ്ങു തീരുമാനിച്ചുവല്ലോ.ആ ദിവ്യമാതാവിനെ ഓര്‍ത്ത് ആനന്ദിക്കുന്ന ഞങ്ങള്‍ അവളുടെ അനുഗ്രഹമേറിയ അപേക്ഷകളാല്‍ ഈലൊകത്തിലുള്ള സകല ആപത്തുകളിലും നിത്യമരണത്തിലും നിന്ന് രക്ഷപെടുവാന്‍ കൃപ നല്‍കണമേ.ഈ അപേക്ഷകള്‍ ഞങ്ങളുടെ കര്‍ത്തവീശോമിശിഹായുടെ തിരുമുഖത്തെപ്രതി ഞങ്ങള്‍ക്കു തരണമേ.ആമ്മെന്‍.